【七個月大啦】索爆章子怡帶住醒醒游水

內地女星章子怡去年為汪峰誕下女兒「醒醒」，視女兒如珠如寶嘅佢不惜豪花百萬舉行百日宴。母愛氾濫嘅章子怡仲不時喺微博上載同囡囡嘅生活照，等遲啲可以睇番囡囡嘅成長經過。而今日係佢囡囡醒醒七個月大，章子怡就喺微博上載同佢一齊暢泳嘅照片，仲留言話：「紀念一下美好的今天，小醒醒七個月了！」戴住花環頭飾嘅章子怡抱住醒醒，露出慈母笑容，十足仙女下凡一樣咁迷人！