【謝安琪唔蒲頭】張繼聰同仔仔大晒溫馨

藝人張繼聰 （Louis）嘅老婆謝安琪（Kay）早前宣布暫別娛樂圈，誓要全力造人，兩公婆前排仲被《東網》影到去睇BB床?！唔知係咪終於有好消息，但唔想畀人見到佢個肚，就算一家去旅行都唔出鏡！？！

早前阿聰劇接劇冇停過，依家終於可以放吓假，同屋企人去外國旅行。平日鍾意同阿Kay晒幸福嘅佢，今次上載嘅相完全唔見阿Kay蹤影，只係喺Instagram大晒同阿仔張瞻嘅溫情，佢留言：「千金難買happy time！」究竟阿Kay去咗邊？唔通真係驚個肚曝光寧願做揸機嗰個？

而見到阿聰着晒皮褸，阿仔又包到冚，估計去咗好凍嘅地方。其實着住咁多衫，即使阿Kay已經見肚，着番件大褸乜肚都見唔到，仲使乜匿埋喎！