【個個受傷】陳展鵬爆KK被扑穿頭死忍

無綫藝員陳展鵬在寶琳為無綫新劇《城寨英雄》宣傳。陳展鵬表示《城寨英雄》是他拍攝劇集以來打得最多、最辛苦的一套，且拍攝時亦難免受傷，他說：「我同胡定欣嘅手指公都整親腫晒，腳趾甲瘀咗，每一位演員都好努力。同張國強（KK）對打，佢好唔好意思打腫咗我眼角，後來我亦扑穿咗佢個頭，佢一路唔出聲直到拍完場戲先去醫院，袁偉豪亦打到唔舒服中暑。（接《一屋老友記》會唔會有壓力？）唔會，佢哋收視好我都開心，係好嘅先兆，希望承接佢哋啲歡眾。（新劇被指抄襲？）我哋套劇都未出街，又點可以咁講，我哋都討論過，套劇又真係冇龍捲風呢個角色，觀眾眼光係雪亮嘅，等觀眾去判斷。」監製文偉鴻亦指《城寨英雄》是百份百原創。