【女漢子】王君馨着旗袍耍功夫露黑底！

王君馨今日着旗袍出席無綫劇集《城寨英雄》宣傳活動。雖然佢扮到鬼火咁靚，不過由於佢需要耍功夫，結果反高潮咁做出擘髀、出拳等男子漢動作，感覺相當豪邁，難得君馨仲要放下靚女身份，耍到極度投入，面容扭曲咗都唔在乎之餘，仲要露埋入面嘅黑色打底褲，真係令人佩服，抵佢成為全場最搶！