明福俠出新歌　上網下載唔好搜黎明！

天王黎明經常在其社交網化身「明福俠」，以「明福俠」身份交代大小事宜，間中仲會一展歌喉冧粉絲。最近「明福俠」打入音樂市場，歌迷真的有福了，首新歌叫做《我唔係死蠢》，不過新歌唔係度度有得聽，大家要去iTunes搜尋，再付8元港幣，就可以下載到手機慢慢聽。提下大家搜尋字眼一定要打「明福俠」，如果你打「黎明」包你搵唔到首新歌，而且可能會畀「明福俠」笑你死蠢㖭。新歌由好友雷頌德作曲、林日曦填詞。黎明今次咁創新，一定吸引不少粉絲下載新歌啦！