怨阿女唔影老竇 苗僑偉:佢鍾意意境嘢

20160729
東網電視
更多新聞短片
三哥女兒苗彤最近爆紅。
苗僑偉(三哥)、林峯、吳卓羲、林夏薇、薛世恒及蔚雨芯等,出席音樂監製鄧智偉40歲生日派對,早前被指有新歡的薛世恒只肯影相不做訪問,但仍有禮貌地合十雙手說:「Sorry。」林峯則透露女友吳千語因有工作在身而缺席。
「佢有佢世界」
三哥對於愛女苗彤將擔任今屆港姐外景攝影師,他說:「報紙都出晒啦。(苗彤有冇補給攝影器材?)唔知,都唔知佢用咩機,不過佢咁專業。」隨即笑指可能屆時僅用「傻瓜機」拍攝。三哥又指愛女雖喜歡攝影,但從不為他影靚相,三哥說:「佢乜都影,係唔影老竇,佢有佢世界。(會叫個女操刀影家庭照?)冇咁嘅打算,佢鍾意影意境嘢。」
讚余詠珊大膽
三哥承認從港姐統籌經理余詠珊口中得知愛女成為港姐外景攝影師,他說:「我唔知Sandy(余詠珊)咁大膽。(你穿針引線?)冇,係Sandy過溫哥華搵佢傾,之後先講我聽搵我個女幫手做港姐外景攝影師,我都O咗嘴。」問到愛女有否酬勞?三哥說:「唔知,後生女唔使講酬勞,最緊要學嘢,不過一嚟就咁大單,不過佢又冇乜嘢,仲話冇咩唔得。(你會同行?)唔敢。(怕顧住望港姐?)睇唔到咁多嘢,細路女畀佢出去闖吓。」