網民熱話:連詩雅新式廣告有彈有讚

20160730
東網電視
更多新聞短片
個廣告就以手機影片形式展開。
現今廣告業推出嘅廣告模式比以往都好唔同,除了以微電影或者改歌詞MV之外,仲有更多層出不窮嘅招數,今日就有一個以全新拍攝手法兼技巧嘅廣告喺網上出街。如果大家有留意開「長腿女神」連詩雅(Shiga)嘅社交網站,相信會記得早幾日佢開甫話有對歌迷男女朋友為咗佢而引起情侶糾紛,發文話:「好多謝你哋咁Support我,我明白好喜歡偶像嘅心情。今日眼前發生嘅事令我都有所反思,希望你同你女友會和好如初...千祈唔好因為我而分手吖!」嗰時真係呃到網民留言問咩事,而今日Shiga就喺Instagram及Facebook向大家道歉,解釋原來呢單嘢只不過係一個手機廣告!
口味呢家嘢,當然有人鍾意食辣,就有人鍾意食唔辣,唔食「辣」嘅網民就圍插「好耐未睇過咁差嘅廣告」、「唔開估好過」、「唔知關個人事定係個拍攝手法呢?」
大家細心啲睇,其實都有好多gag位充滿娛樂性㗎!曾因為將「Rest in Peace」寫錯做「Rest in Piece」而畀人強烈恥笑,仲要被人起多咗個花朵叫「連Piece雅」嘅Shiga,都拎呢單嘢嚟自嘲!有個粉絲叫Shiga簽名時,串埋自己個名畀佢聽,Shiga聽到就笑住話:「唔好笑我啦,我識串㗎!」相信「連Piece雅」呢個朵都要跟佢好耐......陰功豬!而食開「辣」嘅網民就撐Shiga,話發生呢種事件一啲都唔出奇,仲大讚佢嘅演技好逼真添!
另外,有啲「看透世事」嘅網民就話一早都估到段片係假,話拍得好假,又話Shiga邊有咁多粉絲喎!講開粉絲,之前參加《香港先生選舉》面試嘅「小智」Jason都有份客串,有網民就話佢又唔係明星,鬧佢成日博出位咁話。
網民有話兒
Nx Wxx xxng:廣告?咁劣質廣告都係第一次見!
Vxxxs Chexx:達哥個(嗰)個好睇好多囉咁
Matxxxw Wxxg:希望拍個英文版喺明珠台播,順便跟shiga swift學吓英文
Wxx Fuxx xg:Shiga個呆樣好逼真,演技唔錯,哈哈!如果真係有呢種事發生,一啲都唔出奇,咪當預先綵排見識咗先囉!呵!
Chxxxxxan Lxu:其實啲人咁憎Shiga做乜要繼續科勞(follow)?又要科勞又要鬧!