【拍廣告咩！】張繼聰放假猛操完美Body

女人嘅終生事業係扮靚，而男人嘅終生事業就係操得更大隻！藝人張繼聰出晒名健碩又有型，胸肌、腹肌、人魚線通通都齊，完美男士身型絕對係女士們心目中嘅dream man！不過，大隻呢家嘢一定唔可以偷懶，唔好話日日操練，隔日上健身房都要啦！張繼聰喺Instagram晒出完美body照，並留言話：「諗住終於放假休息吓！點知又有gym房……整定嘅……」雖然佢將顏色調至黑白色，但反而令其線條更為突出，有網民忍唔住留言「求教學」、「勁！！學習對象！！」