忙爆冇時間　佘詩曼提早出機場捉精靈

藝人佘詩曼、周志康及安俊豪到屯門出席「V city 3歲"DUCK"意派對」，與新鴻基地產代理租務副總經理孫雅茵小姐，一起慶祝V city 3歲生日，阿佘更即場為生日蛋糕噴忌廉，替V city送上生日驚喜。

阿佘透露也迷上近日大熱的手機遊戲Pokémon GO，她說：「我到依家只係捉到3隻，因為之前喺內地工作，不過我都有留意啲人講嘅捉小精靈技巧，返咗嚟香港，試過有次趁塞車捉到一隻，其餘時間都困喺酒店，冇得捉，聽日出發為電影《使徒行者》宣傳，我會提早半個鐘出機場捉精靈。（有留意緋聞舊愛陳浩民唱嘅卡通主題曲？）係咩？唔知呀！啱啱返香港，真係唔知。（有時間會睇吓？）都會嘅。」

買蛋糕賀謝賢大壽

提到電影《寒戰2》重奪香港華語片票房no.1，阿佘被問到對新戲會否因而感到壓力？她說：「我都有睇《寒戰2》，為我哋香港電影爭光係好事，我就盡力而為，都唔會有票房壓力，演員嘅職責已經完成，就係盡力拍好個戲，其他留待觀眾評論。」

她又透露出席活動前已為謝賢慶祝生日，她說：「今日《賭城群英會》最後一日戲，我都買咗個蛋糕祝佢生日快樂！」