【唔講得邊個】陳庭欣爆就快有港姐結婚

藝人陳庭欣為新劇《超能老豆》宣傳，對於同屆港姐李雪瑩宣布婚訊，笑指對方雖然定居新加坡，但一直有聯絡，獲悉喜訊也替對方高興：「我唔識佢另一半，不過好似佢由選美開始就已經係呢個男朋友，好長情。（同你相反？）係囉！點解會咁㗎！總之宣布得就係我結婚啦！」為免繼續被追問感情事，庭欣即爆圈中又將有喜事，她謂：「都係港姐嚟嘅。（同屆？）唔講得，總之佢都結得急。（大肚？）我唔知，但佢另一半唔係圈中人，佢就嚟宣布啦，我姊妹裙都試埋喇！」