勁黐纏！楊明孖莊思明潮玩變臉拍片

藝人莊思明原本喺馬來西亞拍攝電影，但因為有工作，所以佢返港去電視廣播城錄影，不過佢同男友楊明真係好鬼黐纏，佢哋一有時間，就喺錄影廠內拍片自娛一番，佢哋仲用咗新app拍片，搞到變咗大眼細嘴，楊明就喊住啜手指，個樣勁唔捨得，而思明亦大滴大滴眼淚咁流，不過最終都有男友錫番，最搞笑係楊明拍片嗰陣明顯忍唔住笑，呢兩個大細路認真有情趣。

而思明喺ig甫咗呢條片，留言話：「這次回港不足48小時，雖然大家都要開工，但感謝你今天開工前抽時間過廠陪我，Baby不要哭，我很快回來。」真係Sweet爆！