胡定欣掟煲　滕麗名拒介紹筍盤？

藝人滕麗名（阿滕）、歐陽震華（Bobby）及呂慧儀等於銅鑼灣出席無綫劇集《一屋老友記》大結局飯局。無綫助理總經理（藝員管理及發展）曾勵珍亦有到場支持。

阿滕透露今次係三人夾份請大家食結局飯：「Book咗三間房，四張枱。（夾份埋單？）Ok，阿蟹（呂慧儀）求咗我哋好耐，畀佢一齊夾。」談到該劇即將拍攝旅遊節目，阿滕就稱暫定九月出發：「度咗個大期9月4號至9月21號，中間時間我都得。」

Bobby：結咗婚先笨

談到再次缺席宣傳活動的拍檔胡定欣，與音樂人陳明道分手，阿滕說：「唔知喎。（安慰佢？）如果情傷就等佢返嚟先。（介紹男仔畀佢？）好男仔好hot，好多朋友都排晒隊要介紹。」身旁的Bobby即搶着說：「我都好多朋友要人介紹，好似阿佘（佘詩曼）。好男仔都已婚，我有老友離婚第一時間通知佢。襯得起佢哋又未婚，通常都係花花公子。其實呢個時代，女性唔一定要拍拖同結婚，單身都好開心，結咗婚先笨！」