【今次堅㗎啦】前港姐李雪瑩宣布訂婚
前港姐李雪瑩（Crystal）曾經喺無綫劇《怒火街頭2》飾演事務律師，前年就以去外國進修為由與無綫解約，之後都冇乜機會喺電視機度見到Crystal，不過Crystal久唔久都會喺社交網站晒靚相同網民分享吓近況。早兩日Crystal就喺IG度貼咗幾張着住婚紗嘅相，加上佢一直都有一位感情好穩定嘅男朋友，所以唔少網民都即刻留言恭喜佢，見到恭喜消息嘅Crystal急急澄清話只係工作並唔係結婚，搞到一班網民好尷尬仲Say晒Sorry！
估唔到隔咗兩日，Crystal又再甫一張男友錫緊佢額頭嘅相，佢左手無名指仲戴住一隻大鑽戒並寫上「engaged」，雖然今次講明係「訂婚」，但係網民根據早兩日嘅經驗，怕又再一次誤會冇即刻留言，隔咗好一段時間先至留言講恭喜，今次Crystal就冇再出嚟澄清，睇嚟都應該係真啦！
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：