【打風又有咩好怕】蔡思貝照海旁做運動

颱風「妮妲」逼近，仲預計晚上八時改掛8號強風信號，唔少藝人都喺Instagram洗版，分享打風嘅活動。雖然打緊風，仍然有唔少藝人都堅持「終身事業」－每天做運動。就好似藝人蔡思貝下午上載自己喺赤柱海旁提腿拉筋嘅照片，留言話：「彩虹戰士出去抵擋颱風」。有網民留言叫佢小心被吹走！而模特兒倪晨曦亦上載喺海旁倒立嘅照片，仲呼籲大家：「打風前也要運動下，大家記得安全第一。」認真勤力！

打風前齊齊潛水

而最近為新劇《我瞞結婚了》忙於拍攝嘅藝人黃浩然，今日就應該同藝人傅嘉莉拍攝潛水戲，他上載以一身潛水look上陣嘅照片，並留言：「八號風球前的活動！」