壓力大？胡定欣為谷收視喪嗌觀眾睇新劇

為咗谷收視，可以去到有幾盡？藝人胡定欣雖然剛剛與男友陳明道分手，但仍專心工作，為主演的劇集《城寨英雄》瞓身宣傳。定欣仲自拍短片上社交網呼籲大家記得準時收睇新劇，片中佢拎住飾演角色「刁蘭」的人形紙牌表示：「我好懊惱，好大壓力呀。聽聞尋晚收視有30點，最高31點。今晚刁蘭姐出場，如果收視無咁高既（嘅）話，點算呀？我咪好無面？咁你哋識做啦，你哋知道點做啦，就係記得九點半睇《城寨英雄》，你哋睇嘅話個結果，係你地（哋）會意想不到㗎啦。胡定欣仲留言表示「呢位女同事....生命受到威脅。佢嘅壓力....大到你哋唔會相信。」睇嚟佢真係好重視收視成績喎。