網傳與阮小儀相戀 余文樂親自回應
20160803
東網電視
更多新聞短片
![](/hk/bkn/cnt/entertainment/20160803/photo/bkn-20160803095435640-0803_00862_001_01p.jpg?20160804134130)
余文樂仲瞓喺張床度,就急不及待要回應。
今早各大社交網流傳一篇文章,以「傳余文樂、小儀公開戀情、承認相戀」為題,內容大意就係話34歲余文樂同45歲的小儀喺出席活動回答記者提問時默認戀情,嘩!件事咁爆,隨即傳遍各大討論區兼且引起熱烈討論,fb亦都洗晒版,有網友送上祝福,力撐小儀口才了得又煮得,亦有網友話「得啖笑」、不過更多嘅係話「唔信」。
正當大家都諗緊點解當事人仲未蒲頭回應之際,男主角余文樂終於瞓醒,佢今早約9時多更新ig,佢上載一張「床照」,而且滿面鬍鬚,證明佢未來得及梳洗連床都未離開之下就急住回應,而佢個樣則做出O嘴的表情、手放在額頭上,一臉震驚的樣子,寫道:「今天早上起來,竟然收到很多朋友的訊息,一打開發現全都是問我同樣的問題!!!就連我媽都打來問我,我第一個感覺就是?????只能說我真的年紀開始大了,大家真的很擔心我感情沒有著(着)落!!!小儀如果我過幾年都找不到對象的話,我們就真的在一起吧!!!」
嘩!估唔到連樂仔阿媽都親自打電話畀阿仔詢問戀情,睇嚟余媽媽都好可能喺社交網度見到篇文章。雖然樂仔今次就否認與小儀相戀,但佢有留後路畀自己,佢話如果過幾年自己都搵唔到對象嘅話,就與小儀真的在一起吧,過幾年,小儀都年近半百,嗱,樂仔,男子漢大丈夫講得出要做得到呀!
最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!
最強娛樂APP「東網巨星」下載連結: