自爆瘦10公斤！羅志祥晒減肥前後對比圖

台灣藝人羅志祥（小豬）一向畀人感覺陽光又好動，身形理應唔會差得去邊，但其實型男風光嘅背後，原來都有做過肥仔嘅時候！呢日小豬喺微博晒出減肥前後嘅對比照片，仲留言：「10公斤真的是可以把一個人變的不一樣！」相中見未減肥前嘅小豬額頭圍上紅色頭巾，塊面圓碌碌好有肉哋，一副憨男樣子！而佢減肥成功後，塊面明顯變尖咗，輪廓仲即時出晒嚟，果然係立即變靚，得，得咗！而粉絲見到小豬嘅肥仔Look後，都改口嗌佢做「大豬」，不過佢哋之後亦識做冧番偶像，賣晒口乖咁話無論佢肥定瘦，都係咁靚仔喎！