媽媽唔易做　羅敏莊邊排戲邊湊女

藝人羅敏莊（Mimi）到電台受訪，表示昨日難得有時間跟老公陳國邦拍拖睇戲，可以重拾之前拍拖回憶。講到工作，她表示11月會演出舞台劇，現時已開始排練：「之前嗰啲都係早一個月排就得，但今次唔同，依家已經開始排，未試過，可能係因為今次我哋有啲演員冇乜舞台劇經驗，好似蚊蚊（萬綺雯），佢今次仲要跳舞唱歌，而且我哋今次又有兩個新演員，所以就要多啲排戲。」

被馬浚偉誠意打動

其實最初Mimi因想多些時間陪女兒而不想接這套舞台劇，她說：「依家暑假，想陪佢多啲，佢依家K2，就嚟上year 1（小學），已經要開始準備，啲人成日讚佢得意，其實係我功勞，我畀好多時間佢。不過馬浚偉真係好有誠意，畀好多條件我，佢話叫我帶埋個女去排戲，可以搵啲姐姐陪佢玩，又可以搵人湊佢放學，又畀劇本我睇先，所以就打動到。」

「老公床戲激過我」

她亦表示今次角色是做正室，自己對此角色亦很有興趣，講到她跟馬浚偉會有床戲，她表示：「佢同其他女主角會浪漫啲，因為其實佢個角色係唔愛我，所以床戲都係點到即止。（使唔使問准老公？）佢拍嗰啲仲激烈過我好多，大家都係演員，都明解。」