林景弘同韓在石合作拍劇讚冇架子

前無綫藝人林景弘Jason（前名林遠迎）今晚出席好友杜大偉（David）有份投資的倫哥私房菜開幕活動兼生日派對，問到送甚麼生日禮物，他謂剛由大陸回港，未來得及買禮物，笑言送香吻給壽星仔，繼說與David相識十七、八年：「大家都係無綫訓練班出身，佢早我一期，係師兄，同埋我哋又一齊踢足球，雖然我離開咗無綫，但因為足球團結咗大家一齊，成日都會見到。」

Jason謂近年主力在大陸發展，早前剛拍完一套電視劇「長夢留痕」顆拍吳卓羲、羅家良同韓國男星韓在石。問到韓星會否難相處？他說：「唔會，韓在石好好人，冇架子，不過大家最大問題係溝通，好在劇組有個好好嘅翻譯，佢成日叫我去韓國玩，我之前去韓國都有搵佢，大家keep住有聯絡。」他透露最近忙於拍網劇「無間道」，無論幕前或幕後都是老朋友，大家拍得好開心。