被淋紅油唔覺難頂　馬國明傾向留港發展

無綫藝人馬國明日前與謝賢、佘詩曼和謝雪心拍攝無綫新劇《賭城群英會》，戲中更要撳謝賢落浴缸，兩方都拍得非常肉緊！正同時拍攝《心理追出Mind Hunter》的馬國明，最近亦與楊秀惠有一場淋紅油戲，有指該「紅油」又酸又臭，對此，他直指不算難受：「香香哋喎！有番茄味！唔知點解話係臭，可能個記者唔鍾意聞番茄味。（秀惠頂唔順？）因為始終唔係入得口，本身係顏料嚟，唔似油，所以加啲番茄膏先似。」

談到有指他傾續約時扭計，他坦言不算扭計：「始終約係要傾清楚先可以簽。同埋嗰個報道又話走淨我一個，Bosco（黃宗澤）都未走！」問與無綫尚有一年左右合約的他，是否傾向留在無綫，他就指要傾過先知：「但我不嬲都會選擇留喺香港，因為始終嗲哋媽咪都喺香港，佢哋年紀又大，我唔想太長時間離港。」