【大晒廚藝】古天樂講感情事即扮傻

藝人古天樂（古仔）及楊千嬅於銅鑼灣出席活動，二人即場炮製沙律，當中古仔玩Shake Shake沙律醬時，更大晒身手玩「拋樽」！

問到對於下廚有否困難？直認有難度的古仔表示不會煮中餐：「媽咪好後先學整中餐，我食豬扒、牛扒同薯條大。（平時多機會下廚？）出埠會煎豬扒，中餐就唔識煮，啲次序好複雜，反而我身邊好多朋友煮得好叻。」問有否獲女仔為其下廚？扮傻的古仔就「曲線」讚自己媽媽：「全部男仔朋友嚟。（以前女朋友冇煮畀你？）咩呀？（女仔識煮嘢食係咪加分？）我媽煮嗰啲就加分。（拍拖時冇女仔煎豬扒畀你？）咩呀？」古仔全程避談感情事，不知道貴為男神的古仔，幾時先會成家立室呢？