王瑋彤退賽　陳自瑤：可能精神壓力影響

索媽陳自瑤（YoYo）、陳庭欣和蔡國威等在將軍澳電視廣播城出席「八月星辰」活動。27號正日生日的YoYo就指生日期間，老公王浩信要出埠工作，問屆時老公會否因公而零表示，她即扮嬲謂：「唔知呢！睇吓佢有冇心！」

叔仔身體唔孱

談到叔仔王瑋彤因健康理由退選港男，她就指會尊重對方決定，認為開心和舒服便可，她說：「其實佢嘅身體唔係咁孱，可能精神壓力有所影響，各方面加埋先有咁嘅決定。」記者笑指王瑋彤腎虧，問須否為他燉補品養精蓄銳，自瑤即爆笑謂：「呢啲留畀我奶奶做啦！」

蔡國威剃頭拍劇

而首次出席無綫藝人生日會的蔡國威，就指自己28號生日，與汪明荃同月同日生。談到工作安排，雖然暫未有主持工作，但他指已客串四套劇，11月更會參演清裝劇，首度剃頭開工。被問到會否怕頭髮生唔番，他即指住自己頭頂謂：「你睇吓！濃密㗎！」