周渝民喻虹淵愛女出世 經理人全面封口
35歲台灣藝人周渝民(仔仔)與28歲喻虹淵上年11月突然宣布結婚,今日就有消息指二人嘅愛情結晶品終於秘密出世!雖然有個咁嘅風,但當事人就玩潛水,只由仔仔經理人對外證實消息,仲表示係個「小公主」。不過對於B女出生日期、身體狀況等問題一概唔回應,保持低調作風。
另外仔仔經理人又透露雙方家長好開心,而仔仔目前正專心照顧寶寶同陪老婆調養身體。根據資料,仔仔去年十一月在微博宣布「我們結婚了」,如今相隔僅九個月已經成功誕下B女,故估計二人當時登記時已是雙囍臨門。