藝員葉凱茵與鄭健樂近期為公正行拍攝廣告，除了是香港小姐及香港先生的配搭，亦是二人相隔九年又團圓，她說：「以前合作拍處境劇《同事三分親》，當年我哋做兩公婆，估唔到九年之後再合體一齊拍廣告。」二人拍處境劇時累積了默契，事隔多年默契未減，她說：「嗰陣拍處境劇仲成日對住，合作開心，默契都冇減少。今次廣告會以短劇形式去介紹一啲個案，拍咗一日就完成，希望廣告出街之後會吸引更多廣告同埋搵真銀機會啦！」