燒烤踩單車　張智霖把握暑假親子樂

張智霖（Chilam）及袁詠儀（靚靚）工作繁忙之餘，亦十分注重家庭生活。近日二人趁兒子魔童放暑假，把握時機一家人四出遊玩，繼早前的意大利及馬爾代夫之旅後，Chilam日前於家中晚飯後，忽發奇想與魔童到附近場地生火燒烤，雖然只準備了腸仔及綿花糖，但魔童仍吃得津津有味，父子倆更即場作Facebook直播與粉絲交流。

昨日3人又再出動到沙田踩單車，年紀小小的魔童跟足全程踩到去大埔，果然精力旺盛！Chilam受訪時笑謂：「踩單車時都畀人認出，不過大家都係做運動，OK嘅。（仲未結束你嘅悠長假期？）差唔多喇，因為小朋友都就嚟返學。」而8月27日生日的Chilam今年剛巧入行25周年，他選擇屆時到上海開騷，實行與眾同樂，齊齊慶祝。