【四條血痕】李思欣驚留疤親述受傷過程

藝人李思欣在社交網站貼出腿上有長長血痕的照片，目測長達四吋，畫面觸目驚心！思欣接受《東網》訪問時，透露是被愛貓BIBI所傷，她說：「屋企牆上有個架突然跌咗落嚟，嚇親BIBI，佢突然跳上嚟我隻腳度抓住唔肯放，仲咬我膝頭！（老公范振鋒擔心？）佢都知，都擔心我，去咗睇醫生，有要消炎藥同打破傷風針，要打三支。我哋都好擔心BIBI，佢今年都7歲，本身比較細膽，之前因為病去咗住院，唔知係咪因為咁而嚇親，返到嚟都有少少反常。」

行路有啲唔方便

問到會否擔心影響工作，思欣表示：「之前做嘢跌親都未好晒，依家都擔心有疤痕，請教吓朋友有冇咩去疤可以搽，行起路上嚟有少少唔方便，最近工作都唔算操勞，都係開幕活動同唱吓歌，影響唔算大，8月底就有微電影工作。」