曾當籃球隊經理　岑麗香自爆做阿四

藝人岑麗香在將軍澳出席籃球活動。她在訪問中自爆因小學時因生得高所以打籃球時做中鋒，但因中學時不高所以「告別球壇」：「但我都有做籃球隊嘅經理人，即是做阿四，要斟水、執波。（識型男？）都見到好多，會同朋友一齊去睇，因為要去唔同學校做阿四！」眼見香香清減不少，記者笑問是否因見不到男友強強而茶飯不思，直認有做開運動的她就指男友冇話她瘦：「唔好提佢咁多啦！有肉地好嘅，之後我會食餐好！」

最重要係BB健康

最近有傳好姊妹鍾嘉欣（Linda）B已生，日前否認傳聞的香香就指留待對方日後公布：「我冇期番加拿大，九月都番唔到去，最重要係BB健康，無論仔定女都要肥肥白白，好似米芝蓮咁！」不打算爭做契媽的她又指厚面皮主動問會令Linda尷尬：「或者我哋一字排開，等BB自己爬去，爬到邊個就邊個做契媽！（但你九月唔去。）所以應該唔係我！」