歌手朱紫嬈（Khloe）出席發燒碟活動，面對現場三百多萬港元音響，Khloe坦言感壓力，她說：「好緊張，近排天氣轉，搞到喉嚨痕同咳，因為呢幾日要做嘢，食咗啲成藥，點知谷住喺鼻同喉嚨，令把聲有少少沙。」問到擔不擔心獻唱時走音？搞笑的Khloe說：「唔驚，你哋（指傳媒）都走晒。」

首次推出發燒碟的Khloe承認大壓力，她說：「自己對自己要求好高，咬字要好準確同音色好好，當錄《囚鳥》時用咗好多次哭腔去唱，點知監製叫我試吓簡單平靜咁去唱啦，最終錄咗兩次就搞掂。」