黃翠如苦練魔術　爆蕭正楠冇眼睇閃人

藝人黃翠如與魔術師甄澤權（Louis）出席商場活動，期間翠如表演啤牌魔術，透露早於拍攝首套劇集時已接觸魔術，最擅長是令紙幣消失，及後也有操練，而今次活動亦提早跟Louis學習幾個魔術旁身。

嫌變銀仔太流

翠如笑指也有於男友蕭正楠（Edwin）面前表演魔術，惟對方看了一半便閃人，她謂：「佢覺得我表演唔精彩，依家興將個menu變成嘢食，我只係變銀仔太流！（佢識唔識魔術？）佢手感比我好，如果練吓應該好過我。」

爆滕麗名一餐食10粒貓山王

剛從馬來西亞返港的她，表示此行喪食貓山王榴槤，亦帶了不少返港，現時忙於分配，她謂：「幾十蚊一個咋，我食咗成20粒，食太多，搞到肚痛，滕麗名一餐食10粒！（Edwin食唔食？）唔係好食，從來冇見佢食過，諗住教佢食呢啲世界美食。」

與陳倩揚贈結緣

對於陳倩揚離開無綫，翠如表示很喜歡對方，當年加入無綫時皮膚敏感，獲對方贈送及介紹護膚品，故也望她離開後仍有接踵而來的工作。