整餅冧男友　李佳芯自認三餸一湯冇難度

藝人李佳芯（Ali）與歌手陳詩欣（Eunice）在上水出席活動，更和現場觀眾大玩有關生活知識的遊戲。問Ali是否「小師奶」，她表示小時候經常跟婆婆到街市買餸：「所以點樣洗豬肺、挖雞心細細個就已經識。細個媽咪要返工，阿哥嗰兩餐就我搞掂。雖然出嚟做嘢之後少整咗，但叫我三餸一湯都冇問題。（會整畀男友陳炳銓？）細個會整甜品，我鍾意每逢節日都會整曲奇，但唔係淨係男友有，個個都有。」又謂閒時會整小手作、小飾物等。問現在擔任奧運主持的她是否夠瞓，負責數獎牌榜的她就指自己作息時間比其他主持穩定：「仲可以返到屋企食飯！」所以戥其他主持辛苦。