獲有米大狀力撐　陳庭欣接受露點演出

無綫小花陳庭欣出席商場活動，與大批小朋友同場，更有小男生拖着她不放手，又多次獻吻，氹得庭欣開心大笑。

恨拍電影

於8月27日將踏入29歲的她，笑言希望趁「二字頭最後一個生日」練出「永遠的馬甲線」，且謂：「想拍吓電影，有人同我講踏入三字頭機會會愈嚟愈少嘛。（冇性感底線？）最緊要劇情需要，咁冇理由去沙灘游水都着長袖衫褲。」

願為藝術犧牲

庭欣坦言由始至終未有計劃出寫真，反而不介意為藝術犧牲，暗示可接受露點演出。她又指自己35歲前不打算結婚：「用餘下同無綫有合約嘅時間，繼續為事業打拼。」

同有米大狀互相支持

問到可有向「朋友」明言自己有此決定，她答：「認識嘅都會尊重我嘅睇法。話題又係兜返轉頭，年初都講過同（翟）威廉只係好朋友，真係冇嘢。（有米大狀呢？）相處吓先。（佢知你唔介意性感演出？）聽日睇報紙咪知囉。佢支持我任何決定，我都會尊重佢鍾意做啲乜。」