台灣尋美食　陳煒搵老公煮兩味

藝員陳煒在將軍澳電視城為劇集《超能老豆》宣傳。談及早前到台南及雲南拍攝飲食節目《煒哥的味道》：「兩個地方去咗成個月，台南好熱，仲要全部外景，朝早開工拍到收太陽先收工，雲南天氣舒服好多。」

煒哥透露老公也有來台南探班：「會有驚喜嘅一集，老公會下廚。（老公廚藝叻唔叻？）喺我眼中唔叻。（經常煮畀你食？）試過年初一煮西餐畀我食。」而在雲南就發掘了不少珍貴食材：「之前我都未見過咁珍貴嘅食材，十日內轉咗八間酒店，好難忘。」問可會考慮推出烹餁書？陳煒說：「等公司安排，暫時冇時間準備，工作已經排到出年年中。」