拍劇母性大發！黃智雯自認有生B衝動

藝員黃智雯在將軍澳電視城為劇集《超能老豆》與大班小朋友玩遊戲宣傳新劇。問黃智雯拍完該劇後會否被小朋友嚇怕？她說：「冇嚇親，反而拍劇之後母性大發，有生小朋友嘅衝動，但都要等上天安排。自己都想生小朋友，自己細個好多嘢做唔到，好似想做舞蹈家，如果有小朋友會教佢跳舞，希望佢可以完成我嘅夢想。（你會唔會係怪獸家長？）唔會，會畀好多空間佢，當佢哋係一張白紙咁教。（計劃同男幾時生BB?）冇特別去傾，自己好傳統，都想有一兩個小朋友。（會唔會生BB先？）自己幾傳統，希望循序漸進，結婚先有BB。（幾時結婚？）唔知，係都定欣先啦。（佢啱啱先甩拖，咁快有新戀情？）唔係，最緊要真愛，感情啱有火花，好似杏兒咁好快就結婚。」