胞弟退選港男　王浩信抱歉：對不起無綫

藝人王浩信，黃嘉樂、律師林作及穿上低胸露背裝的上山詩鈉女兒Hilary一同出席銅鑼灣舉行的活動。

王浩信談及胞弟王瑋彤宣布退選香港先生時說：「佢唔係孱弱，只係佢自參選以來承受咗好大壓力，因為說話、言行都要檢點，搞到佢發燒，不停嘔，面色差，情緒唔好，又有腎石，呢樣嘢（壓力大）係佢退選後先同我分享，媽咪都擔心佢，經家人商量決定退選。佢入完無綫，都會唔舒服，睇好多醫生，怕再咁落去，情況會更差囉！」

問胞弟王瑋彤的壓力可會來自他？王浩信承認：「都會，所以過往我畀好多正能量佢。」問其弟可會用其他途徑入行？王浩信指這次是上了寶貴一課，發覺男生不止外表，亦要做好裝備，視乎身體狀況，或明年再考慮。

王浩信又指胞弟為退選一事感抱歉，覺得會影響到作為兄長的他，感覺得對不起大會、對不起無綫。問王浩信可覺得弟弟是否有機會勝出？他說對弟弟有信心，不過因身體問題，未能表得最好。