軒仔新碟超支三倍　將拍住王菀之搞組合

歌手張敬軒出席「香港流行音樂MV頒獎禮2015」，軒仔表示近月都閉關為新碟錄音，今次是超支三倍製作，感覺自己當初入行的一團火都「返晒嚟」，以前全權交由唱片公司安排，但今次就原汁原味全是張敬軒音樂，而完成新碟後就會全程投入與王菀之的演唱會，軒仔笑言：「我哋呢個係『排骨精五花腩』組合，下半年就會合體，剛剛出咗我哋合作嘅廣告，難得係兩間公司去擕手合作去做呢個Project，將我哋變成下半年嘅樂壇組合。」

另外問到軒仔是否有兩個好朋友有份出戰巴西奧運？軒仔坦言：「名就唔方便講，但真係睇住佢哋一步一步去，而我屋企家族係冇出運動員，我姐姐都曾經係廣東省游泳隊，但因為臨去國家隊前有個入大學機會，其實由小到大做運動員都冇乜童年，所以，今次有朋友，一個代表內地，一個代表香港去出賽，都好希望佢哋有好成績，而因地方不同，可能水土、時差，都有機會影響出賽表現，所以要為佢哋打打氣。」

軒仔坦言這段時間都有喜有悲，因廣州家中的狗仔離開了，在他未到香港發展前已經養牠，如家中親人離世一樣很傷心。軒仔謂近日香港有動物團體表示希望可以成立一個小動物公立醫院，如果有類似相關活動或籌款他都樂於參予，不論廣州或香港小動物權益都需要關注。