滕麗名自爆患高血壓:會覺得頭暈
藝人滕麗名(阿滕)接受吳綺莉主持的電台節目訪問,她透露廿年前與對方合作過,剛由馬來西亞回港的她表示還未回魂:「要抖一抖,跟住就要拍廣告同登台,月底會去新加坡出席慈善打波。」

預告同老公去旅行

憑劇集《一屋老友記》彈起的阿滕坦言未有劇集要開拍,她笑說:「冇,可能無綫唔簽我呢,暫時未收到任何消息。(因為要同歐陽震華拍住上?)係咪想搵我拍古裝,歐陽震華唔肯?」問到工作排得密麻麻會否沒時間陪老公?阿滕說:「唔會呀,過多一個星期會同佢去旅行,要去鬆一鬆。」隨即自爆早前到馬來西亞看了一名中醫,對方指她有高血壓:「我覺得好神奇,仲叫我小心同有膽固醇過高,其實平時都會覺得有少少頭暈,要留意吓身體,冇辦法啦年紀大。(會再Check?)會,啱啱返嚟未回魂。」