舞台劇宣布加場　馬浚偉做齊人樂趣無窮

由馬浚偉、萬綺雯、羅敏莊等主演的自全新創作舞台劇《偶然．徐志摩》，將於11月3日至5日假香港演藝學院歌劇院演出四場。早前舞台劇演員名單及造型照公布後，於內部即時掀起搶票潮，有見反應熱烈，主辦單位決定加開11月6日的日、夜兩場，合共演出六場。

對於內部認購門票熱烈，馬浚偉感到相當興奮，同時亦自覺責任更大，他要將這個劇演得更精彩，要做出好成績，不辜負觀眾期望：「我最多謝台前幕後一班工作團隊，大家全心全意配合，令售票捷報。」馬浚偉非常感謝羅敏莊和萬綺雯兩位女主角：「多謝我戲中兩位好老婆，佢哋互相欣賞、互相配合，我夾在喺中間做齊人絶對唔辛苦，只覺樂趣無窮。」

羅敏莊讚劇本扣人心弦

而羅敏莊收到加場消息時非常興奮，她在劇中飾演徐志摩首位夫人張幼儀，她說：「喜歡呢個戲，喜歡張幼儀呢個角色好正，呢個女人好勁，馬浚偉寫呢個劇本好精彩，扣人心弦，佢將張幼儀嘅外柔內剛性格描述得淋漓盡致。」並坦言喜歡和馬浚偉、萬綺雯合作，她喜歡萬綺雯為人真性情：「我哋兩個都係傻婆，由開始合作，至今愈來愈開心。」

萬綺雯學崑劇大開眼界

至於萬綺雯聽到加場消息後亦顯得非常雀躍：「馬浚偉同羅敏莊對我非常好，我當初答應接呢個戲，飾演徐志摩第二位夫人陸小曼，係因為有新事物可以學習。如果唔係有目標，我一生都唔會有機會接觸崑劇，學習唱腔、造手，劇團又邀請這麼好的老師教我，更有機會練華爾滋。正所謂萬事起頭難，最初硬塞咞多新嘢入腦都覺得好辛苦、好大壓力，但練咗個幾月，學到基本功，增添更多感覺，依家開始輕鬆咗，好享受。」