劉佩玥慘被伍允龍踢傷手指：要佢負責任

藝人劉佩玥（Moon）及伍允龍到電台接受薛家燕的節目訪問，Moon指剛才在劇集《城寨英雄》的宣傳活動上，負責拿木板的她被伍允龍踢傷左手一排手指：「好痛囉，如果我彈唔到琴就叫佢負責任。（點負？）賠湯藥費。」伍允龍就笑謂可代她彈琴。對於劇集最高收視有31.3點，Moon謂雖然正值奧運，幸好沒有對收視有太大影響。

爆伍允龍畀女圍

提到昨日的劇集中，Moon大罵伍允龍是露體狂，Moon笑說：「佢真係露體狂，但都好，畀觀眾嘅眼球食冰淇淋！」問到伍允龍、陳展鵬及袁偉豪當中，誰的肌肉最勁？她指三位都不相伯仲：「佢哋3個都好努力Keep Fit，林子善都有，佢唔使除衫都有練，等有機會可能要突然除衫。」伍允龍坦言練體能不難，最難是要減食：「嗰排心情會麻麻，比較Dry，但值得嘅。」Moon就笑謂當時要不斷氹他，又大爆對方喜歡入TVB睇女仔：「佢成日話入TVB拍劇好開心，因為有咁多女仔喺度。」伍允龍解釋說：「因為我拍功夫電影都係男仔多，但入到TVB化妝室就全部都係女仔。（有冇合眼緣嘅？）太多，依家我都唔敢入去。」他又透露Moon拍劇時受傷，導致右手有疤痕，大讚她專業和不錫身：「我好欣賞佢，有場戲喺森林拍，我受咗傷佢要救我，要拉拉扯扯，但佢一啲都唔錫身。」Moon指自己回家洗走泥巴時才知自己受傷。

未收到鍾嘉欣生B消息

有指鍾嘉欣在溫哥華已生B，作為前男友的伍允龍表示沒有收到消息，又透露一個多月前曾與對方聯絡：「我去溫哥華補拍電影，佢知道就有Message我，但我第二日就返香港，所以冇見面。（生咗會送禮物畀佢？）收到消息嘅話我會祝福佢。」