犯太歲連環受傷？祖兒爆險被樹幹插屁股

天后容祖兒（Joey）到電台宣傳之前在6月推出的唱片，祖兒說因為一直忙於工作，未有時間回來宣傳。講到在內地拍真人騷，可能因為今年犯太歲，之前跳舞扭傷腳，到今次真人騷在沼澤拍攝追逐環節時，因泥地太濕滑而跣倒，跌正在一個斷開的樹幹上，她笑言：「真係差少少就插中pat pat位，撞到大髀側邊腫咗一個波，之後要重用梅花針放血，足足放咗3次血先得。」

唔清楚陳子聰病情

講到男友劉浩龍（師兄）都有前往醫院探望老友陳子聰，問到祖兒可有了解情況？祖兒即言：「你哋問我呢樣嘢，我唔識答，自己都冇多口問，人哋屋企都冇講，都唔輪到其他人去講。（師兄心情？）ok啦！」

仲有時間生B

祖兒母親之前亦患病，她說：「生命好重要，要及時行樂，及時行醫。」至於會否及時結婚生仔，她謂：「我仲有啲時間，雖然時間一分一秒流逝，但唔使為我擔心。」