九個月未回本　陸詩韻自爆餐廳增長慢

前港姐陸詩韻出席「衍生獎學金頒獎典禮」時，透露最近多了參與慈善活動，希望可以貢獻社會，談到工作，她稱忙於代理護膚品、內衣品牌及餐廳生意，間中也有客串電視及電影，問到生意是否很忙？她謙稱：「唔係，我哋係蚊型生意，唔會好忙，出少少錢同少少力，但我唔想搞太多生意，想專啲。依家餐廳開咗九個月，增長比預期慢，因為經濟唔好，希望一年內可以收支平衡。」

提到她之前曾為內衣品牌拍宣傳照，問到會否再拍新一輯，她坦言機會不大：「好悶，冇嘢睇，之前好耐冇影過，啲人就覺得有新鮮感啫，睇吓有乜新構思。（試吓操馬甲線？）馬甲線對我嚟講太遙不可及，我呢個年紀唔好咁push，我練咗腹肌先。我最近有跳舞，上咗一堂，都叫做跟到，之前怕畀同學笑，但原來無人理你。」