定欣靚股成焦點：我身形一啲都唔輸蝕！

藝人胡定欣、陳展鵬於無綫劇集《城寨英雄》中，二人關係愈趨親密，而劇中，不時「屁股」遭大特寫的定欣，更有一幕於展鵬身上趷籮扭屁股的一幕，相當搞笑。今晚播映的一集中，刁蘭（定欣）勇救「拳佬」陳展鵬後，二人甜蜜相擁，拳佬發現自己愛上刁蘭，但刁蘭始終心繫牙佬，刁蘭更逼拳佬幫她追牙佬，展鵬自發諗出一招「篤穿底褲」，一除褲露pat，更引得全廠大笑！

展鵬冇動L

定欣被問到拍攝趴在展鵬身上趷籮扭屁股場口時，展鵬當時有否「動L」，定欣笑言：「邊有咁易動L呀！不過好好玩，其實好多嘢都係我哋自己度出嚟，拍時好開心。」說到戲中屁股經常被大特寫，又常現S型美好身段，是否不讓劇中各肌男專美，她謂：「我覺得自己身形一啲都唔輸蝕，刁蘭啲衫都好貼身，自己都操到好fit，不過啲男仔都好fit。」而展鵬今次都大犧性，底褲穿窿見pat pat，定欣謂：「拍嗰場戲時展鵬突然出咗去，之後返嚟就拍佢一剝褲，大家見到個窿都笑到震！（你有冇篤落去？）梗係冇啦！pat pat嚟㗎！」

真．靚股

而監製文偉鴻被問到為何有多場定欣屁股大特寫？他笑謂：「我都唔知點解啲導演拍佢咁多full shot，其實之後定欣劇中個黑寡婦造型都令全劇男演員着迷，佢本身都keep到好fit！（個pat型咁靚有冇裝假狗？）我夠膽用性命擔保貨真價實。」

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！

最強娛樂APP「東網巨星」下載連結：

http://on.cc/redirect/entertainment