【集思廣益】HANA為改中文名搞網上招募

20160813
東網電視
更多新聞短片
為咗一個中文名,HANA(左圖)不惜上網問粉絲!

樂壇唱作新人HANA早前於網上為其中文名字舉行大招募,與粉絲們齊動腦筋之餘,希望藉此傳達其音樂是「屬於大家」的意思,她說:「喺創作歌曲中,每個人都可能係當中嘅主角,就好似置身其中咁,不論歌曲係悲定喜,都希望喺我哋嘅故事中帶出一啲訊息,呢個都係屬於音樂嘅本意!」

本星期初招募活動進入第二階段,HANA在當中選取三個至愛,包括:「菊梓喬」、「金雨䤭」及「花千雪」,展開公開投票,HANA不忘感謝粉絲們的細心,她說:「大家都知道『HANA』喺日文係解作『花』 ,所以喺招募中有好多名都係以花為概念,而喺花當中,我最鍾意嘅就係德國嘅國花矢車菊,雖然睇落有啲柔弱,但其實係好堅強,同我性格好似!」

至於其公司亦特意找來奇門遁甲傳人雲文子師傅為HANA的中文名字起卦,雲文子師傅就言天芮星為菊花,代表着人氣及觀眾緣,對從事娛樂事業的HANA有利。