澳門放暑假　大肚陳琪被禁止搭飛機

早前宣布佗B仔的無綫藝人陳琪，日前趁暑假帶同兩個囡囡到澳門新濠影滙充電，由於已有7個多月身孕，肚大如籮，再加上天氣酷熱，為免中暑，她選擇全程留在酒店耍樂。

自懷有「金叵羅」後，除了醫生外，老公胡諾言已下令停止一切需要坐飛機的旅行，對此陳琪謂：「佢不知幾緊張，本來得我帶住兩個女，但老公擔心，寧願一早帶我哋搭船到澳門，去到酒店安頓晒，又安排咗我去餐廳食lunch，之後搭船返去開工，開完一個鐘頭工再搭船去澳門Join我哋，真係辛苦佢。」

阿妹唔夠高冇得玩

曾表示懷孕後變女王的她，笑指老公照顧一家大細之餘，又想Keep住每日健身保住六舊腹肌，故在三日兩夜旅程中，每日07起床，先獨自走到健身房健身，待她與兩個女睡到自然醒才展開活動！

陳琪又指此行最開心是大女，皆因終於符合機動遊戲的高度，她謂：「上次嚟嗰時唔夠高玩，不知幾唔開心，今次可以玩到夠。反而到細妹唔開心，老公同佢講食多啲菜會快啲高，細妹聽到之後即刻話要食，到第二日再去度（高度），咁當然都係唔夠高啦！」