結婚7周年　丁子高驚喜送千嬅

天后楊千嬅在2009年與老公丁子高秘密到美國拉斯維加斯註冊結婚，唔經唔覺已經7年喇，今日千嬅就上載與老公及友人的合照，仲話收到小驚喜，原來丁子高準備咗蛋糕同埋玫瑰花畀老婆，重點係紮花係紫紅色同千嬅個髮色襯到絕，丁子高認真有心思！不過慶祝結婚周年，竟然有兩個友人做電燈膽，咁就要扣分喇！好多人都話結婚有七年之癢，唔知丁子高同千嬅會唔會覺得開始有啲痕呢？