王寶強太太馬蓉發文反擊：善惡自有真相

內地著名男星王寶強凌晨出聲明宣布離婚，指太太馬蓉與他的經理人宋喆有「婚外不正當兩性關係」，「綠帽疑雲」爆出不久，經理人宋喆的微博遭海量網民轟炸，內容一面倒狂鬧宋喆，冇耐宋喆嘅微博突然全部發文刪除變回空白狀態。宋喆的太太楊慧在微博寫咗一句：「因果有時報。」回應事件。

「綠帽疑雲」其中一位主角王寶強太太馬蓉一直潛水，終於凌晨五點左右浮上水面喺微博發文：「欲蓋彌彰，善惡自有真相，不是不爆，時候未到。」從文字上馬蓉似乎反指「有問題」係王寶強，當中「不是不爆」呢一句好似係有證據揸手，隨住「綠帽疑雲」再發展落去，馬蓉有機會向外發放手頭上嘅「證據」。

對於馬蓉終於現身，網民反應非常激烈，短短三十分鐘就已經有超過25,000個留言，雖然馬蓉已經講到有反擊證據在手，但係網民一啲都唔受落，當中絕絕絕大部份留言都係喪鬧馬蓉。