鄭希怡阿Sa高歌：雞，全部都係雞

「雞，全部都係雞」呢首洗腦神歌近排紅爆網絡，其實呢首神曲來自網上討論區，成首歌冇內容，只係不停重複「雞，全部都係雞」呢句歌詞，不過呢首歌就連歌手蔡卓妍（阿Sa）同鄭希怡（Yumiko）都爭住唱，仲翩翩起舞舞添！

本身呢日阿Sa同Yumiko佢哋孖埋盧巧音同J.Arie（雷琛瑜）四個人難得聚在一起，點知阿Sa同Yumiko就即興大唱「雞！全部都係雞」，仲拍埋片放上instagram，留言：「Take a break…我哋今日個腦全部都係⋯⋯」佢哋完全唔理形象嘅舉動，成功呃到唔少Like，仲有好多網民都留言大讚好可愛！