1個節目拍4個月　艾粒學識TB分100種

組合「I Love U Boyz」（艾粒）的成員Donald及少爺占出席ViuTV節目《對不起 標籤你》發布會，為節目擔任主持的二人，表示節目由電視台的80人製作團隊構思出來，節目類型像日本真人騷的遊戲，又大讚電視台的節目製作認真：「我哋做10集都有唔同制服，每一集拍一星期，都未試過拍節目拍4個月，通常拍電視節目都係4部cam，佢哋用11部cam，我哋數過有50人，拍完加幕後製作，下星期就播啦。」二人均表示十分期待，但因是主力節目，同時感到緊張及有壓力。

Donald被標籤做矮仔

問到二人有否曾被標籤？Donald表示曾被標籤為矮仔，少爺占表示曾被標籤為藤條及排骨，續說：「我諗每個人都有試過（被標籤），不過係睇吓係咪最衰嗰啲啫。」二人又驚訝謂從其中一集節目Tomboy（TB）主題中，認識到TB都有分100種不同類型，及透露節目亦有邀請新面孔的嘉賓主持，給大家新鮮感。問到有沒有信心添食？少爺占說：「佢哋唔興添食，可能會搵啲新嘢拍。」Donald續說：「佢哋冇嗰個框框喺度。」

蝕幾千萬唔算多

少爺占繼續大讚ViuTV在拍攝時給予二人自由發揮空間，故拍攝和剪接過程才需要更多時間，但亦幸好避過奧運的檔期：「係一件好事，同埋香港冇呢類型嘅節目，通常傳統電視台都好難講到呢啲主題，點搵人上嚟講自己係TB、變性人，難得佢哋有咁嘅諗法，好支持。（ViuTV開台至今蝕咗幾千萬！）其實唔算多，始終新電視台，傳統電視台都唔係賺咁多，咁少買豪宅都唔得啦。」