做舞台劇當暑期工　陳法拉賺夠畀學費

藝人黃子華與陳法拉主演舞台劇《前度》前後35場演出順利完成，台前幕後深夜時分謝幕後移步到銅鑼灣消夜慶功。陳法拉表示會在港多留1星期拍廣告，然後再返美兩年繼續未完成的學業。問到是否唔捨得，她答：「都係，最快聖誕返嚟。要搵食，所以返嚟幾日，不過兩年時間好快就過。（無綫搵你拍劇？）好似搵經理人傾過，不過我唔可以接時間太長嘅工作。（今次返嚟演舞台劇做暑期工，夠畀淨低嘅學費？）夠啦，多謝老闆。」

問到法拉下次最想與子華有哪方面的合作，她謂：「之前都合作過電影，希望再有機會啦。（舞台劇唔會有part 2？）唔會啦，今次嘅檔期安排得好咋。」子華同樣表示二人時間難遷就，所以也不會有巡迴演出。