與老公拍拖歐洲公幹　王菀之順便造人

歌手王菀之（Ivana）為節目錄影時談及近況，她表示稍後會出發往芬蘭與當地玻璃設計師見面，之後會再去冰島，大概逗留在歐洲幾星期。問老公可會同行？Ivana謂：「佢都去，佢理由係藝術家都要同藝術家見吓面打個招呼。而且佢係未去過芬蘭，雖然係夏天但都會去聖誕老人村。」問會順便造人？Ivana尷尬地說：「冇話順唔順便，順其自然啦！（一直都順其自然？）日日都順其自然……造人嘅嘢！」

對於歐洲之行，問有可擔心安全問題？ Ivana謂：「都有，之前都有因為安全問題而改變歐洲之行日期，不過，今次係去北歐，加上係為工作而去。不過，都有個緊急方案，我嘅緊急方案就係一有咩事就係望住隔籬嗰個。」

另外，講到將與張敬軒的合作，Ivana謂：「佢太想同我合作喇，佢鍾意喺台上奚落我。（ 佢改埋名叫『排骨精五花腩』？） 佢係排骨精？一時時啦！但個名都OK嘅。」