被未婚夫虐打　張慧儀遇上養子改變一生

女星張慧儀亮相有線節目《往事．並不如煙之情書》，與主持人黎燕珊大談當年遭未婚夫虐打一事，她坦言因此身心受創，因而退出娛樂圈，她說：「嗰件事對我好大傷害，當時心情好低落，我又唔敢同屋企人講，怕佢哋擔心，於是自己一個人避走香港。」

院長覺得領養係一時衝動

在人生最低潮的時候，張慧儀遇上養子Hanson，她揚言：「係佢令我企番起身！」當年張慧儀從北京領養Hanson，原來過程並不簡單：「Hanson有日突然攬住我叫媽媽，嗰刻我好想收養佢，不過當時已經有人申請領養佢，院長亦覺得我只係一時衝動，於是我每日去煮飯畀佢食，暫時照顧佢。然後原本嘅領養者突然放棄領養佢，好自然就畀我收養，咁多年嚟，我一手一腳照顧佢，小朋友畀到我嘅愛，係冇人可以取代到。」現時育有一子的張慧儀被問到對愛情的追求時，她表示抱隨緣態度。